﻿Zabur 51
I GAMA MINDAMO DI KAADAAN DO SALA

(Pemimpin)
Sianai-oku-no o Kinoringan, sabap gima i koruhuan-Nu

(Jemaat)
Om sabap gima i kosianan-Nu di mangapus di sokoviai I kasalaan-ku.

(Pemimpin)
Vougai-oku-no, supaya edu i karaatan-ku

(Jemaat)
Om susio-oku-no antad sid dusa-ku

(Pemimpin)
Sabap ioku diti mangakun di sokoviai i kasalaan-ku

(Jemaat)
Om i dusa-ku soumul-umul sid tinoguvangon-ku.

(Pemimpin)
Rontob sid Dikau o kisala-oku.

(Jemaat)
Nakaranggal-oku di kenginan-Nu.

(Pemimpin)
Atarang-no dot abanal ino gama-Nu mongohukum.

(Jemaat)
Om otulid i hukum-Nu

(Pemimpin)
Sabap inusu-oku sid karaatan

(Jemaat)
Om inotizan-oku dit idi-ku sid dusa.

(Pemimpin)
Banalko ozi-ko do kipurimon do kabanaran i ginavo dot ulun

(Jemaat)
Om nitanda-Nu-no laid sid dohon i keloo-Nu.

(Pemimpin)
Hugusai-oku-no, supaya ajadi-oku dot oborosi

(Jemaat)
Vougai-oku-no, supaya ajadi-oku dot osusi.

(Pemimpin)
Porongoho-oku-no vagu do kohigakan om katamanan

(Jemaat)
Pohijaho-oku-no, supaya kopongindazou-oku vagu Dikau.

(Pemimpin)
Takapai-no i karaatan-ku

(Jemaat)
Om tonuso-no i kasalaan-ku.

(Pemimpin)
Umbosihai-no i ginavo-ku

(Jemaat)
Om imvoguvai-no di Sundu-Nu I purimon do ginavo-ku.

(Pemimpin)
Kada-oku-no padao sid tinoguvangon-Nu

(Jemaat)
Om kadan-no onuvo I Sundu-Nu dot osusi, I nokositi-no dohon

(Pemimpin)
Pogulio-no sid dohon i kohigakan

(Jemaat)
Gima i kosopulan antad sid Dikau

(Pemimpin)
Om sukupo-no di ginavo-ku dot obinsuhut.

(Jemaat)
Manjadi ioku-no o monuduk di ralan-Nu sid ongoulim di mangagama do sala.

(Pemimpin)
Supaya it ulun do kidusa kouli sid Dikau.

(Jemaat)
O Tuhan, tindalo-oku-no antad sid kiraha i palad-ku.

(Pemimpin)
O Kinoringan di puun do koposizan, .

(Jemaat)
Supaya i dila-ku kendazou di sokoviai i kabanaran-Nu.

(Pemimpin)
O Tuhan, buka-no i kabang-ku.

(Jemaat)
supaya i dila-ku kendazou Dikau.

(Pemimpin)
Sabap amu-ko engin ong mangagaras-oku do pangazam om isamba sid Dikau

(Jemaat)
Tu ong-engin-ko ogi do iadino, tan tu mangagaras-oku-no.

(Pemimpin)
Topot amu-ko engin.

(Jemaat)
Ino-no it isamba di kenginan do Kinoringan, I ginavo dot okugui I ginavo dot osibak om obingrosi

(Semua)
Ino-no ot amu-Nu kihizon, o Kinoringan.

